У араторыі імя св. Яна Боско пры парафіі св. Яна Хрысціцеля ў Мінску з 26 па 28 снежня адбываліся вакацыі з Богам. Дзеці і падлеткі працягвалі разважаць над тэмай “Разам з Янам Боско крочым і дайсці да Неба хочам”, якую распачалі падчас восеньскіх вакацый. На гэты раз разважалі над юнацтвам святога Яна Боско.
Традыцыя ставіць калядныя стаенкі сваімі каранямі паходзіць з першых вякоў хрысціянства. Са старадаўніх часоў людзі імкнуліся прадставіць момант нараджэння Езуса. За шмат стагоддзяў было прыдумана шмат розных калядных стаенак: механічных, статычных, жывых. Але кожная стаенка мае толькі адну мэту - наблізіць да людзей таямніцу ўцелаўлення Бога.
18 снежня ў Мінскім абласным клінічным шпіталі адбылася аплаткавая сустрэча з удзелам арцыбіскупа Тадэвуша Кандрусевіча, Мітрапаліта Мінска-Магілёўскага.
Вечарам 16 снежня салезіянская сям’я Беларусі сабралася на аплаткавую сустрэчу ў парафіі святога Міхала Арханёла ў Смаргоні. У гэтым годзе ў Смаргонь прыбылі прадстаўнікі чатырох галін салезіянскай сям’і: святары салезіяне, сёстры салезіянкі, салезіяне супрацоўнікі, суполка ADMA (Асацыацыя Марыі Успамогі Хрысціянаў), а таксама бацькі святароў і сясцёр.
8 снежня ў бараўлянскім араторыі святога Дамініка Савіо, якi дзейнiчае пры мясцовай парафii Марыi Успамогi Хрысцiянаў, адзначылі ўспамін святога Мікалая.
8 снежня 1841 года ў захрыстыю касцёла св. Францішка Асiзскага ў Турыне забег вулічны хлопец па імені Барталамей Гарэллі. У гэты час св. Ян Боско рыхтаваўся да цэлебрацыі св. Імшы. Сустрэча з юнаком, які нічога не ўмеў акрамя як толькі свістаць, стала пачаткам будучага апостальства св. Яна Боско. Так нарадзіўся араторый: з аднаго хлопца і малітвы “Вітай, Марыя”.
8 снежня ў смаргонскім араторыі імя св. Яна Боско, якi дзейнiчае пры мясцовай парафii св. Мiхала Арханёла, прайшло традыцыйнае свята святога Мікалая для дзетак, арганізаванае групай аніматараў пад кіраўніцтвам с. Юліі Клявец FMA і кс. Артура Ляшнеўскага SDB.
Давярайце сваё жыццё Марыі і ўбачыце, што такое цуды.
